கவலை தோய்ந்த முகத்துடன்,

காவல் நிலையம் சென்று இன்ஸ்பெக்டரை சந்தித்தார் நாராயணசாமி.

"இன்ஸ்பெக்டர் சார் ... 15 நாளைக்கு முன்னாடி ஷாப்பிங் போறேன்னு சொல்லிட்டு போன என் மனைவி இன்னும் திரும்பி வரலை ... நீங்கதான் எப்படியாவது கண்டுபிடிச்சிக் கொடுக்கணும்"

"அப்படியா ... அவரது உயரம் என்ன?"

"ம்ம்ம் ... எனக்கு சரியாகத் தெரியவில்லை சார்"

"ஒல்லியா ... குண்டானவரா?"

"ஒல்லியெல்லாம் கிடையாது ... நல்லா தின்னு கொழுத்து போயித்தான் இருந்தா"

"அவரது கண்கள் என்ன நிறம்னு சொல்லமுடியுமா?"

"சார் சார்... அதை நான் கவனித்ததில்லை"

"தலைமுடி என்ன நிறம்"

"அதெல்லாம் அப்பப்போ மாத்திப்பா சார் ..."

"என்ன உடை அணிந்திருந்தார்கள்?"

"சாரியோ... சுடிதாரோ ... ஏதோ ஒண்ணு போட்டிருந்தா சார் ... சரியா தெரியல"

"சரி... காணாம போன அன்னைக்கு எதுல வெளியே போனாங்க ... காரிலா?"

"ஆமா சார்"

"ஓ... அப்படின்னா கார் நம்பர், கலர், எந்த பிராண்டு கார் ... கொஞ்சம் விவரம் சொல்லுங்க"

"சார் ... அது ஒரு கோடி ரூபாய் மதிப்புள்ள கார். black audi A8 with supercharged 3.0 liter V6 engine generating 333 horse power teamed with an eight-speed tiptronic automatic transmission with manual mode. And it has full LED headlights, which use light emitting diodes for all light functions and has a very thin scratch on the front left Door"

என்றபடி "ஓ"வென அழ ஆரம்பித்தார் நாராயணசாமி.

அவரது உணர்வை புரிந்துகொண்ட இன்ஸ்பெக்டர் சொன்னார்,

"நாராயணசாமி கவலைப்படாதீங்க ... உங்க காரை எப்படியும் நான் கண்டுபிடிச்சிக் கொடுத்துடுறேன்"